يبقى انت اكيد اكيد فى مصر

Admin كتب:

لما تلاقى مذبحة .............للأقباط
في الكشح والزاوية الحمرا والعمرانيةونجع حمادى والعياط
وقتل ونهب .................باستعباط
يبقى أنت أكيد في مصر!!
لما تلاقى القبطي مالوش اى حقوق
ومن مرارة الذل والمهانة يذوق
وبيته وماله.....منهوب مسروق
يبقى أنت أكيد فى مصر!!
لما تلاقى الظلم............زيادة
وممنوع ترمم بيوت العبادة
وإحباط .......كثير فوق العادة
يبقى أنت أكيد فى مصر!
لما تلاقى دعوات ... للتكفير
وكلام عن رضاعة .. الكبير
والعلاج ............. ببول البعير
يبقى أنت أكيد فى مصر!!
لما تلاقى حاميها حراميها....!!!
عايش بس عشان ينهب فيها....!!
وناس مش لاقيه هدمة تداريها
يبقى أنت أكيد فى مصر
لما تلاقى الظلم فى البلد دستور!
وورا كل جريمة...معتوه موتور
وشعب عايش.... ....عبد المأمور
يبقى أنت اكيدفى مصر
لما تلاقى المحسوبية ... قانون
والرشوة شطارة شغالة بجنون
وان قلت كلمة حق تكون مجنون
يبقى أنت أكيد فى مصر
لما تلاقى الخوف ....حواليك
شيطان عمال. ..يأكل فيك
وغصب عنك تعمل اللى ما يرضيك
يبقى أنت أكيد في مصر
لما تلاقى الحق......... .....باعوه
والجبن بين الناس. ...............زرعوه
والصدق في كل مكان ....... قتلوه
يبقى أنت أكيد في مصر
لما تلاقى نفسك عايش.. ......قلة موت
عايش والفساد.......... خيوط عنكبوت
وممنوع تقول رايك أو يخرج لك صوت
يبقى أنت أكيد في مصر
لما تلاقى اللى ...بيفصل في أمورك ظالم
والحق مشوه مالوش اى. ..........معالم
ومجالس عرفية .....تقام بدل . ...المحاكم
يبقى أنت أكيد في مصر
لما تلاقى بين الناس خصام وفتن
والشوارع فيها المجارى ضاربة ...وعفن
وبطالة وجهالة وتحرش... ..وقلة سكن
يبقى أنت أكيد في مصر
لما تلاقى شعب مطحون قليل الحيلة
وراقصة بتعلم الناس التقوى والفضيلة
وناس زى خيالات المقاتة نحيلة
يبقى أنت أكيد في مصر
لما تلاقى على مخابز العيش طوابير
ومن غير ذنب واقف ع باب بيتك غفير
وضابط يضربك ع قفاك ماعندوش ضمير
يبقى أنت أكيد في مصر
لما تلاقى شعب طيب عاطى . أمان
بياكل من خير بلاده .... ...ومش دريان
يلاقى المية ملوثة والزرع جابله سرطان
يبقى انت اكيد في مصر
لما تلاقى في السجون ضرب وتعذيب!!!
وتحرش وحاجات تخلى شعر الوليد يشيب
وتحس وكأنك قاعد في سجن(ابوغريب)!!
يبقى انت اكيد في مصر
لما تلاقى..بين الشيوخ والقسوس نفاق!!
وشجرة محبة خالية من اى أوراق
وكلام مكرر.مالوش معنى بس براق !!!
يبقى انت أكبد في مصر
لما تلاقى ع التلفاز لحى بتتعانق!!!
وف كل واحد منهم احقاد بتتخانق!!
وعاوز كل واحد يعمل للتانى مشانق!!!
يبقى انت اكيد في مصر
لما تلاقى كلام كتير عن المواطنة
وحقوق الغير والمحبة والموازنة
وكلام كنير كدب ومالوش لازمة
يبقى أنت أكيد في مصر
لما تلاقى كلام عن الوحدة الوطنية!!!
وانه إحنا أكثر البلاد ...ديمقراطية
وتلاقى الغليان مقتول ومالوش دية
يبقى أنت أكيد في مصر
لما تلاقى الموظف شعاره:كله تمام!!!!!
ولوعاوز تقضى مصلحة تدفع كام!!
والرشوة حلال بفتوى ا لشيخ إمام !!
يبقى أنت أكيد في مصر
لما تلاقى الأخلاق بجد في أزمة!!!
ومشاكلك حواليك حزمة ..حزمة
في بلد ...نهبوها ولاد الجزمة !!!!
يبقى أنت أكيد في مصر
لمل تلاقى..في بلدك..كلك مباح.........!!!
ارضك مالك عرضك..تحت تهديد السلاح
وعايش مستني الموت في كل....... صباح
يبقى انت اكيد في مصر
لما تلاقى الناس .في...بلد محكومة بالكرباج
والبيه ساكن في قصر من الياقوت والعاج
و90%من الشعب يشكى الذل والاحتياج
يبقى أنت اكيد في مصر
لما تلاقى حقك قدام عينك ...راح لغيرك
وان تكلمت ربنا وحده يعرف إيه مصيرك
يمكن سجن ويمكن قتل..لحد ما يموت ضميرك
يبقى أنت أكيد في مصر
لما تلاقى بلد كرهوها ولادها وباعوها
واللي هجروا منها حلفوا تانى مايرجعوها
وتقول له دي بلدك يقولك :يلعن أبوها
يبقى انت اكيد في مصر
لما تلاقى في الانتخابات..حزب وطني اواخوان
الأول حرامى ودامى والثانىكداب ومالوش امان
من هم الى هم ياقلب امانة كفاية............. احزان
يبقى انت اكيد فى مصر

[b]